Բազմիցս անդրադարձ է կատարվել այն խնդիրներին, որոնք կան Երևանի գազանանոցում՝ կապված կենդանիների պահման պայմանների հետ: Analitik.am-ին հաջողվեց ձեռք բերել տեսանյութ, որտեղ պարզ երևում է, թե ինչ անընդունելի և դաժան պայմաններում են պահվում կենդանիները: Ըստ մեր աղբյուրի, արջերն արդեն մեկ ամսից ավել է պահվում են սալիկապատ վանդակներում: Արջերի համար նախատեսված իբր նորոգված ազատավանդակներն էլ այնպիսի պայմաններով են, որ կենդանիները կարող են կոտրել իրենց թաթերը:
Վագրերի և առյուծների համար նախատեսված պահման վայրերն էլ նույն դաժան վիճակում են: Վագրերի ազատավանդակի հատվածում բնական ժայռերը կոտրվում են և թափվում ներքև, ինչը նույնպես վտանգավոր է կենդանիների գոյության համար: Առյուծների նոր վանդակը նույնպես չի համապատասխանում որևէ նորմի՝ սալիկապատ է, ինչը ոչ մի կերպ չի կարող նպաստավոր պայման լինել կենդանու համար:
Հետաքրքիր է, թե ինչու է Երևանի գազանանոցը նման անընդունելի և կենդանիների գոյության համար վտանգավոր պայմաններում պահում կենդանիներին, ի՞նչ նպատակով է ամեն ինչ արվում կենդանիների կյանքը Երևանի գազանանոցում հնարավորինս կարճ դարձնելու համար:
