Այսօր՝ հունվարի 29-ին Երևանի քաղաքապետարանը որոշում կայացրեց թույլ տալ քաղաքացի Լևոն Բարդակչյանին շարունակել շահագործել ծառայողական ավտոկայանատեղին, որը գտնվում է Վաղարշյան փողոցի վրա:
Հարցը զեկուցեց Տրանսպորտի վարչության պետ Հենրիկ Նավասարդյանը՝ հայտնելով, որ ծառայողական ավտոկայանատեղին շահագործվում է տարածքում գտնվող սրճարանի այցելուներին և Ավետարանչական եկեղեցուն սպասարկելու համար:
Իրավական հարցերի հանձնաժողովը տվել էր բացասական եզրակացություն, ինչը սակայն չխանգարեց որոշման ընդունվելուն:
Որոշումն ընդունվեց 20 կողմ, 4 դեմ, 9 ձեռնպահ հարաբերակցությամբ:
