Ուկրաինային խաղաղություն է պետք Ռուսաստանի հետ, քանի որ մեր բնակիչները հոգնել են պատերազմից: Նման հայտարարությամբ այսօր Կիևում հանդես է եկել Ուկրաինայի նախագահ Պյոտր Պորոշենկոն:
«Իհարկե մեզ խաղաղություն է պետք Ռուսաստանի հետ: Սառը, բայց խաղաղություն: Մարդիկ հոգնել են պատերազմից»,-ասել է Պորոշենկոն:
Ուկրաինայի նախագահի խոսքերով, խաղաղության թեման լինելու է առաջիկայում կայանալիք նախագահական ընտրությունների գլխավոր թեմաներից մեկը, քանի որ ընտրվելու է ոչ թե ուղղակի նախագահ, այլ գլխավոր գերագույն հրամանատար:
Պորոշենկոն հայտարարել է, որ խաղաղությունից բացի պետք է վերականգնվի երկրի տարածքային ամբողջականությունը՝ հավելելով, որ ինքը չի պատրաստվում ծնկի իջնել Պուտինի առաջ, կամ այլ դիրք ընդունել:
