ՀՀ արտաքին գործերի նախարարի տեղակալ Կարեն Նազարյանը հունիսի 10-ին Բրյուսելում մասնակցել է Արևելյան գործընկերության ավագ պաշտոնյաների հանդիպմանը:
Հանդիպմանը քննարկվել են 2013թ. նոյեմբերին կայացած վիլնյուսյան գագաթնաժողովից հետո տեղի ունեցած զարգացումները և Արևելյան գործընկերության ձևաչափով հետագա աշխատանքները, 2014թ. հուլիսին կայանալիք ԱԼԳ անդամ երկրների արտգործնախարարների նիստի օրակարգը:
Փոխնախարար Նազարյանն իր ելույթում շեշտել է Հայաստանի պատրաստակամությունը՝ հնարավորինս զարգացնելու Արևելյան գործընկերության շրջանակներում Եվրոպական Միության հետ փոխգործակցությունը:
