Հարգելի՛ առաջնորդներ,
Որպես Ֆիլիպ Մորրիս Ինթերնեյշնլ (ՖՄԻ) ընկերության Գործադիր տնօրեն՝ ինձ հաճախ են հարցնում, թե ինչու՞ մենք չենք դադարեցնում սիգարետի վաճառքը: Կարծում եմ՝ հարցադրումը սխալ է: Ճիշտ կլինի հարցնել՝ «ե՞րբ մարդիկ կդադարեն սիգարետ գնել»:
Այսօր սիգարետի պահանջարկը չի նվազում: Նույնիսկ ամբողջ աշխարհում կանխարգելիչ միջոցների կիրառման պայմաններում ավելի քան 1 միլիարդ մարդ շարունակում է ծխել: Եվ ըստ Առողջապահության Համաշխարհային Կազմակերպության, 2025թ. դրությամբ դեռևս 1 միլիարդ մարդ կշարունակի ծխել: Այս մարդիկ կարող են լինել Ձեր կոլեգաները, հարևանները, միգուցե Ձեր ընկերները կամ ընտանիքի անդամները: Մենք պարտավոր ենք այս անհատներից յուրաքանչյուրի համար փնտրել այլընտրանքային լուծումներ:
Այդ պատճառով էլ «Ֆիլիպ Մորրիսում» մենք հավատարիմ ենք անծուխ ապագա ստեղծելու գաղափարին: Սա սկզբունքային տեսլական է, որ կփոխի հասարակությունը՝ ապագա, որտեղ չկա սիգարետ: Մեր մեծագույն ցանկությունն է՝ հասնել մեր նպատակին հնարավորինս շուտ, դադարել սիգարետ վաճառելը հնարավորինս շուտ:
Մեր ձգտումն է օգնել բոլոր չափահաս ծխողներին, ովքեր հակառակ դեպքում կշարունակեին սիգարետ ծխել, անցնել գիտականորեն հիմնավորված անծուխ պրոդուկտների։ Այդ պրոդուկտները ավելի լավ այլընտրանք ենք, քան սիգարետը: Մենք ավելի քան 4.5 միլիարդ ԱՄՆ դոլար ենք ներդրել հետազոտությունների, մշակման և արտադրության մեջ՝ չափահաս ծխողներին ավելի լավ այլընտրանք առաջարկելու համար: Այս ներդրման և Ֆիլիպ Մորրիսի ցանկացած նախաձեռնության հիմքում ընկած է օբյեկտիվ գիտությունը: Մենք օգտագործում ենք նորագույն տեխնոլոգիական վերջին մշակումները, որպեսզի ստեղծենք անծուխ այլընտրանքներ՝ ավելի քիչ վնասակար, քան սիգարետը:
Այո, կատարյալ աշխարհում բոլոր ծխողները պետք է ընդհանրապես թողնեին ծխախոտի և նիկոտինի օգտագործումը: Սա ամենացածր ռիսկային սցենարն է՝ սիգարետ ծխելու համեմատ: Բայց մենք ապրում ենք մի աշխարհում, որտեղ դա չի կարող ինքնաբերաբար տեղի ունենալ:
Նրանք, ովքեր կասկածում են մեր մտադրությունների վրա, ովքեր կանգնեցնում են առաջընթացը՝ առանց օբյեկտիվ գիտությունն ուսումնասիրելու, առանց հանրային առողջապահության համար այլընտրանքային լուծման հնարավորությունը դիտարկելու, իրականում արջի ծառայություն են մատուցում ծխողներին: Անծուխ ապագա կերտելու մեր ճանապարհին ծառացող խոչընդոտները ակամայից դառնում են հանրային առողջապահությունը բարելավելու հակառակորդներ: Այդ խոչըդոտները բազմաթիվ ծխողների զրկում են ավելի քիչ վնասակար այլընտրանքերից:
Ի վերջո, ամենակարևորը ծխողներին օգնե՞լն է, թե՞ մեզ ատելը: Անկեղծ ասած՝ չեմ կարծում, որ խելամիտ է բնակչությանը միմիայն սիգարետ ծխելու հնարավորություն տալ, երբ հասանելի են ավելի լավ, այլընտրանքային տարբերակներ: Պատկերացրեք, թե որքան կքննադատվեի ես, եթե տարիներ հետո պարզվեր, որ մենք ծխողներին կարող էինք առաջարկել ավելի լավ այլընտրանք, բայց այն թողել ենք լաբորատորիայում:
Դա է պատճառը, որ ես կոչ եմ անում գործել միասնաբար: Հույս եմ դնում կառավորությունների, կարգավորողների, հասարակական կազմակերպությունների և մարդկանց պատրաստակամության և գիտակցման վրա: Բոլորիս է հարկավոր բաց լինել նոր գաղափարների, զրույցների և վերափոխման համար:
Հաշվի առեք հետևյալը. մեր կողմից անծուխ այլընտրանքները շուկայում ներկայացնելուց մի քանի տարի անց, միլիոնավոր կանայք և տղամարդիկ անցում են կատարել ավելի քիչ վնաս հասցնող պրոդուկտների: Միասին աշխատելով՝ մենք կարող ենք արագացնել անցումը դեպի անծուխ ապագա՝ չափահաս ծխողների տարատեսակ պահանջներին համապատասխանող նորարարական պրոդուկտների, առաջադեմ աշխատակիցների և առողջապահության ոլորտի մասնագետների հետ միասին: Մի ապագա, որը կստեղծի ավելի լավ աշխարհ ավելի քան 1 միլիարդ չափահաս ծխողների և նրանց մասին հոգ տանող անձանց համար:
Ահա թե ինչու ենք մենք նվիրված գիտությանն ու նորարարությանը, որոնք կարող են տանել դեպի ավելի լավ ապագա: Այդ պատճառով էլ մենք պետք է շարունակենք բաց երկխոսության կոչ անել բոլոր բնագավառներում, տարակարծիք մարդկանց շրջանում՝ ներառելով անգամ նրանց, ովքեր մեզ հետ համակարծիք չեն:
Ահա թե ինչու մենք հույս ունենք, որ հիմա, սա կարդալով, դուք օբյեկտիվորեն կնայեք իրավիճակին և մեր նպատակներին ու կմիանաք մեզ:
Ահա թե ինչու:
Անդրե Կալանցոպուլոս
Գլխավոր գործադիր տնօրեն
Ֆիլիպ Մորրիս Ինթերնեյշնլ»
