գլխավոր 

Ոչ մի բան չեք անելու, ոչ մի բան էլ չի լինելու, հնին վերադարձ չկա. Նիկոլ Փաշինյան

Հայաստանում երկար տարիներ աշխատած մեխանիզմները շատ դեպքերում դեռ շարունակում են գործել, ոմանք մտայնություն ունեն, թե հեղափոխությունից մի քանի ամիս կանցնի, խորհրդարանական ընտրություններից հետո ամեն ինչ կսկսվի նորից: Այսօր՝ փետրվարի 11-ին, համայանքների ղեկավարների հետ հանդիպմանը հայտարարեց ՀՀ վարչապետ Նիկոլ Փաշինյանը՝ հորդորելով նման հույս չունենալ. «Ամեն ինչ նորից չի սկսելու: Որևէ բան չի վերադառնալու հնին: Սա վերաբերում է և քաղաքական, և տնտեսական հարցերին: Եթե կան մարդիկ, ովքեր մտածում են, որ մի բան կանեն, մի բան կլինի, ասեմ, որ ոչ մի բան էլ չեք անելու, ոչ մի բան էլ չի լինելու: Միակ բանը, որ լինելու է, կառուպցիան և կոռուպցիոներներին արմատախիլ անելն է»:

Փաշինյանը նշեց, որ այս ընթացքում շանս է տրվել ու տրվում է բոլորին, ովքեր չեն օգտվում շանսից, նրանցով կզբաղվեն. «Հայաստանում չպետք է լինի երևույթ, երբ գյուղապետարաններում հաստիքացուցակները 25 կիլոմետրանոց են, կան աշխատակիցներ, ովքեր երբեք գործի չեն գնում: Հետո ասում են, թե Հայաստանում փող չկա»:

Վարչապետն ասաց, որ չի փորձում համահարթեցնել բոլորին, չի կարող պնդել, որ ամենուրեք այդպես է. «Ես գիտեմ, որ համայնքների ղեկավարները տարբեր են և չի կարելի բոլորին նույն չափորոշիչներով չափել: Ես ողջունում եմ այն համայնքների ղեկավարներին, ովքեր ունեն իրենց բնակիչների վստահությունը և պատրաստ են լինելու կառավարության դաշնակիցը: Մենք ամեն ինչ անելու ենք այդ մարդկանց աջակցելու, նրանց զորավիգ լինելու համար»:

  • 62
  •  
  •  
  •  
  •  
  •  
  •  
  •  
  •  
    62
    Shares

Նույն շարքից