Այսօր Կառավարության նախաձեռնությամբ Ազգային ժողովում մեկնարկած արտահերթ նստաշրջանի ընթացքում, 67 կողմ, 0 դեմ, 0 ձեռնպահ ձայներով, առաջին ընթերցմամբ ընդունվեց «Կուտակային կենսաթոշակների մասին» օրենքը: Երկրորդ ընթերցմամբ ընդունվեց «Պետական պաշտոններ զբաղեցնող անձանց վարձատրության մասին» ՀՀ օրենքի եւ դրան առնչվող մի շարք օրենքներում լրացումներ եւ փոփոխություններ կատարելու մասին նախագծերը:
Նախատեսվում է, որ օրենքն ընդունվելու դեպքում այն ուժի մեջ կմտնի 2014թ.-ի հուլիսի 1-ից: Այդ օրվանից պարտադիր կուտակային վճարը կփոխարինվի պետական բյուջե վճարվող նպատակային սոցիալական վճարով՝ եկամտի 5 տոկոսի չափով:
