գլխավոր Հայաստան 

Երբեմն ինձ բերում են տեքստերը, որոնք ընթերցելիս ինձ հետ խոսում է Սերժ Սարգսյանը. Նիկոլ Փաշինյան

Կարողացել ենք արդյո՞ք վերջին 10 ամիսների ընթացքում փոխել պետական պաշտոնյայի վարքագիծը, թե ավելի շատ պետական պաշտոններն են փոխել մեր վարքագիծը: Այս հարցն ունի հստակ պատասխան՝ այո, մենք կարողացել ենք ազդեցություն ունենալ պետական պաշտոնյայի վարքի վրա: Ես, որ վարչապետ եմ դարձել, կարողացել եմ ազդել վարչապետի վարքի վրա, որ վարչապետը չլինի այնպիսին, ինչպիսին է: Պետք է խոստովանել, որ ազդեցությունները փոխադարձ են՝ այո, և՛ փոխվել է, և՛ չի փոխվել: Այսօր՝ փետրվարի 12-ին, խորհրդարանում կառավարության ծրագրի նախագծի քննարկման ժամանակ հայտարարեց ՀՀ վարչապետ Նիկոլ Փաշինյանը:

Փաշինյանի խոսքերով, համակարգը լուրջ ազդեցության լծակ է, երբեմն շատ բարդ է դրան դիմադրելը և կրկնակի ջանքեր է պահանջում․ «Ես բերեմ օրինակ: Իմ քաղաքական կարիերայի ընթացքում իմ ելույթները միշտ ես եմ գրել: Բնականաբար վարչապետ դառնալուց հետո լինում են դեպքեր, որ ինձ համար տեքստեր են գրում: Երբեմն ինձ բերում են տեքստերը, որոնք ընթերցելիս ինձ հետ խոսում է Սերժ Սարգսյանը: Ես զարմանում եմ, մարդիկ, ովքեր այս տեքստը գրել են, Հայաստանում փոփոխություններ չեն նկատե՞լ, տեղյա՞կ չեն, թե ինչ է կատարվում երկրում: Այն տեքստը, որը Սերժ Սարգսյանը պետք է ինչ-որ տեղ կարդար, նույն տեքստը բերում են ու տալիս ինձ տվյալ հանդիպումից առաջ: Ես չեմ ասում, որ սա լավ է կամ վատ, սա օբյեկտիվ իրականությունն է»:

Կառավարության ղեկավարը նշեց, որ շատ դեպքերում իրենք ազդել են պետական պաշտոնյայի վարքագծի վրա, օրինակ, վարչապետի ավտոշարասյունը փոքրացել է, այն կարմիր լույսի տակ կանգնում է. «Սա հասարակ փոփոխություն է, բայց կա»։

 

  • 186
  •  
  •  
  • 1
  •  
  • 1
  •  
  •  
  •  
    188
    Shares

Նույն շարքից