Հայաստանը Սիրիա ուղարկել է հումանիտար առաքելություն ու ունենք հումանիտար առաքելություն: Խորհրդարանում հայտարարել է ՀՀ վարչապետ Նիկոլ Փաշինյանը՝ խոսելով արաբական երկիր հայկական խումբ ուղարկելու մասին:
Ավելի վաղ ՀՀ Պաշտպանության նախարար Դավիթ Տոնոյանը հայտարարել էր՝ եթե լինեն այնպիսի հանգամանքներ, եթե ահրաժեշտություն լինի նաև ռազմական գործողություններին մասնակցել, ՀՀ-ն անպայման կանի դա օրենքի տառին համապատասխան. «Իհարկե միևնույն ժամանակ կաշխատենք համագործակցել արտախորհրդարանական ուժերի հետ այդ հարցում որոշումը կայացնելու ժամանակ»:
Տոնոյանի հայտարարության մասով Փաշինյանը նշել է, որ պետք է հասկանալ, թե ինչ հարց է հնչել, որից հետո Տոնոյանը նման բան է ասել՝ հավելելով, որ Հայաստանը նման պլաններ չունի:
Ավելի վաղ ԱՄՆ պետքարտուղարությունը հայտարարել էր, որ չի պաշտպանում Հայաստանի և Ռուսաստանի միջև համագործակցությունը Սիրիայում:
