Փետրվարի 11-ին, ժամը 00.55-ին, ոստիկանության Երևան քաղաքի վարչության օպերատիվ կառավարման կենտրոն էր զանգահարել անհայտ քաղաքացի և հայտնել, որ Եղ.Թադևոսյան փողոցում ավտոմեքենա է այրվում:
Մեկնած Շենգավիթի բաժնի օպերատիվ խումբը պարզել է, որ նույն օրը, ժամը 00.50-ին, նշված փողոցում հրդեհ է բռնկվել «Վոլվո» մակնիշի ավտոմեքենայում, ինչի հետևանքով այրվել է ավտոմեքենայի առջևի հատվածը:
Նշանակվել են փորձաքննություններ:
Փետրվարի 12-ին, ժամը 09.00-ին, մեքենայի սեփականատերը ներկայացել է բաժին և հաղորդում տվել, որ փետրվարի 11-ին, ժամը 00.40-ին, անհայտ անձինք դյուրավառ հեղուկով հրկիզել են իր ավտոմեքենան՝ պատճառելով 2.500.000 դրամի վնաս:
Ոստիկանության ծառայողները, իրացնելով ստացված օպերատիվ տվյալները, պարզել են, որ հրկիզումը կատարել են 1983 թ. ծնված Սողոմոն Մ.-ն և ևս մեկ անձ, որի ինքնությունը պարզվել է:
Փետրվարի 12-ին, ժամը 11.00-ին, Սողոմոն Մ.-ն Տ.Պետրոսյան փողոցի 21 շենքի մոտից բերման է ենթարկվել բաժին և տվել խոստովանական բացատրություն:
Ձեռնարկվում են միջոցառումներ մյուս կասկածյալին հայտնաբերելու ուղղությամբ:
Կատարվում է քննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
