Այսօր՝ փետրվարի 15-ին, ՀՀ վարչապետ Նիկոլ Փաշինյանը մասնակցեց Երևանում նոր «Հոլիդեյ Ինն Էքսպրես» հյուրանոցի բացման արարողությանը: Վարչապետը լրագրողների հետ շփվելուց հրաժարվեց՝ հայտարարելով, որ առաջիկայում ասուլիս կհրավիրի և կպատասխանի բոլոր հարցերին:
Հյուրանոցի բացման արարողությունից հետո կառավարության ղեկավարը Երևանի քաղաքապետ Հայկ Մարությանի հետ մի քանի րոպե քայլեց հյուրանոցի հարևանությամբ գտնվող այգում, ապա հեռացավ:
Քայլելու ընթացքում Հայկ Մարությանը հասցրեց վարչապետին պատմել Երևանում ձնամաքրման աշխատանքների մասին՝ նույնիսկ ձեռքերով ցույց տալով, թե ինչպես են ձյունն օդում բռնել:
