Իտալիայի Նեապոլ քաղաքում, «Սեկուինո» մաֆիոզ խմբավորման հետ համագործակցելու կասկածանքով ձերբակալվել է ավելի քան 30 մարդ: Այս մասին հայտնում է ANSA գործակալությունը:
Նշվում է, որ վերջիններս կասկածվում են հանցավոր խմբավորմանն անդամակցելու, թմրանյութերի ու զենք-զինամթերքի անօրինական առք ու վաճառքով զբաղվելու մեջ:
Հետաքննության արդյունքում պարզվել է, որ խմբավորման ղեկավար եղբայրներ Սալվադորե և Նիկոլա Սեկուինոները հրամանները տվել են բանտից, որտեղ գտնվում են ներկայումս: