ԱՄՆ 16 նահանգներ դատական հայց են ներկայացրել ԱՄՆ նախագահ Դոնալդ Թրամփի ադմինիստրացիայի դեմ: Այս մասին հայտնում է The New York Times-ը:
Այդ նահանգների թվում են նաև Կալիֆորնիան ու Նյու Յորքը:
Նահանգային իշխանությունները դեմ են հանդես գալիս նախագահ Թրամփի հայտարարած արտակարգ իրավիճակին: Թրամփն այդ քայլին գնացել է Կոնգրեսից 8 միլիարդ դոլար ստանալու համար, որպեսզի կարողանա պատ կառուցել Մեքսիկայի հետ սահմանին:
Նահանգներում կարծում են, որ նախագահն իրավունք չունի բյուջետային միջոցներն օգտագործելու՝ առանց խորհրդարանի թույլատվության:
Դատական հայցը ներկայացվել է Սան Ֆրանցիսկոյի շրջանային դատարան:
