Շվեյցարիայի դաշնային դատարանը մերժել է Ժնևում Հայոց ցեղասպանության զոհերի հիշատակը հավերժացնող հուշակոթողի տեղադրման դեմ մի խումբ քաղաքացիների հայցը:
Որոշումը հրապարակվել է փետրվարի 18-ին:
Դատական հայց ներկայացնողներն իրենց քայլը հիմնավորում էին նրանով, որ հուշահամալիրը կարող է բողոքի ակցիաների վայր դառնալ և կարող է բախման հանգեցնել հայերի և թուրքերի միջև:
«Swissinfo» շվեյցարչական պարբերականը գրում է, որ դատարանի որոշումը վերջ է դնելու բանավեճերին, որոնք սկսվել են հուշահամալիրի տեղադրման շուրջ:
Հավելենք, որ Հայոց ցեղասպանության զոհերի հիշատակը հավերժացնող հուշահամալիրը բացվեց անցած տարի ապրիլին:
