Le Figaro-ն գրում է, որ փետրվարի 19-ին 85 տարեկան հասակում կյանքից հեռացած Կառլ Լագերֆելդի կարողությունը կարող է բաժին հասնել վերջինիս կատվին՝ Շուպետտին:
Շուպետտը Լագերֆելդի մոտ հայտնվել է 2011 թվականին և այս ընթացքում արդեն հասցրել է մասնակցել նաև տարբեր ֆոտոսեսիաների:
Իր հարցազրույցներից մեկում Լագերֆելդը խոստովանել էր, որ կատուն ունի սեփական կարողությունը և եթե իր հետ ինչ-որ բան պատահի, վերջինիս մասին հոգ տանողը որևէ բանի կարիք չի ունենա:
Հարկ է նշել, որ Ֆրանսիայում կատուն չի կարող ժառանգություն ստանալ, քանի որ ոչ ֆիզիկական անձ է, ոչ իրավաբանական: Սակայն Գերմանիայում դա հնարավոր է, իսկ Լագերֆելդը հենց Գերմանիայի քաղաքացի է:
