Բանգլադեշի մայրաքաղաք Դաքքայում բնակելի տանը հրդեհի արդյունքում 69 մարդ է մահացել, վիրավորների թիվը հասնում է 40-ի: Այս մասին հայտնում են տեղի ԶԼՄ-ները՝ հղում անելով իշխանությունների: Ընդ որում, իշխանությունները չեն բացառում, որ զոհերի թիվը կարող է աճել:
Նախնական տեղեկություններով, հրդեհի պատճառը եղել է գազի բալոնի պայթյունը:
Հրդեհի թիրախում հայտնված շինության մի մասը ծառայել է որպես կենցաղային քիմիայի պահեստ, ինչը նպաստել է կրակի տարածմանը:
Զոհերի թվում կան նաև մոտակայքում գտնվող սրճարանների և ռեստորանների այցելուներից:
Հրդեհի տարածումը կասեցվել է, սակայն այն դեռ ամբողջությամբ չի մարվել:
