Հասարակություն 

Ինչու է «Իմ քայլի» նվիրատուների անունները խիստ գաղտնի պահվում. «Հրապարակ»

analitik.am

«Հրապարակ» թերթը գրում է. ««Իմ քայի» հոգաբարձուների խորհրդի նախագահ Աննա Հակոբյանը փետրվարի 21-ի ասուլիսի ժամանակ մեկուկես ժամից ավելի խոսեց ԶԼՄ-ների ներկայացուցիչների հետ և այդպես էլ չհայտնեց, թե պետական պաշտոնյաներից ովքեր են հանգանակություն կատարել «Իմ քայլը» հիմնադրամին:

«Իմ քայլի նվիրատուների անունները խիստ գաղտնի են պահվում, և այս գաղտնիությունը կասկածներ է առաջացնում, որ հիմնադրամը յուրօրինակ քավարան է դարձել հանցագործությունների մեջ մեղադրվող անձանց համար, որ մեծ հանգանակություններ կատարելով՝ նույնիսկ կարող են ազատվել քրեական հետապնդումից:

Վարչապետի կնոջ հիմնադրամը կարող է բյուջեից փող դուրս բերելու խողովակ դառնալ: Օրինակ՝ մարզպետներին նրբորեն հրահանգվում է, որ իրենք իրենց պարգևատրեն, ապա գումարները փոխանցեն ԱՆնա Հակոբյանի հիմնադրամին:

Համանման հարցեր ասուլիսի ժամանակ հնչում էին, բայց Աննան անմեղ հայացքով վստահեցնում էր բոլորին, որ հիմնադրամի նվիրատուներին չի էլ ճանաչում, առավել ևս չի տեղեկացել, թե ով ինչքան գումար է փոխանցում:

Մութ խոսակցություններին վերջ տալու համար մենք օրերս հարցում էինք ուղարկել «Իմ քայլը» հիմնադրամի տնօրեն Հովհաննես Ղազարյանին՝ խնդրելով ներկայացնել հիմնադրամի բոլոր նվիրատուների՝ իրավաբանական և ֆիզիկական անձանց ցանկը և նրանց  հանգանակությունների չափը, թե ով որքան գումար է փոխանցել վարչապետի տիկնոջ հիմնադրամին:

Երեկ ստացանք Հովհաննես Ղազարյանի ոչ թե պատասխանը, այլ մերժումը:

«Տեղեկացնում եմ, որ «Բանկային գաղտնիքի մասին» ՀՀ օրենքի հոդված 4-ի համաձայն՝ հօգուտ բանկի հաճախորդի կատարված գործառնությունների վերաբերյալ տեղեկությունները համարվում են բանկային գաղտնիք և նույն օրենքի հոդված 5-ի համաձայն՝ ենթակա չեն հրապարակման»:

Մանրամասն՝ թերթի այսօրվա համարում

 

Նույն շարքից