2018 թվականի լավագույն ֆիլմ ճանաչվել է Փիթեր Ֆարրելի «Կանաչ գիրք» ֆիլմը: Այս մասին տեղեկանում ենք «Օսկար» մրցանակաբաշխության թվիթերյան էջից:
Ֆիլմը նկարահանված է իրական դեպքերի հիման վրա: Այն պատմում է ամերիկացի դաշնակահար Դոն Շիրլի և վերջինիս վարորդի՝ Թոնի Վալլելոնգի՝ ԱՄՆ-ի հարավ կատարած ճանապարհորդության մասին: Գլխավոր կերպարներին մարմնավորել են Վիգգո Մորտենսենը և Մահերշալա Ալին:
Հավելենք, որ արտասահմանյան լեզվով լավագույն ֆիլմ ճանաչվել է Ալֆոնսո Կուարոնի «Ռոման»:
