Հայաստանում ոստիկանության կողմից ասֆալտին փռելու օպերացիաները շարունակական են լինելու: Լրագրողների հետ զրույցում հայտարարել է Ոստիկանապտ Վալերիյ Օսիպյանը՝ նշելով, որ թիրախում մարդիկ կան և չբացառելով, որ առաջիկայում կարող են լինել աղմկահարույց բացահայտումներ:
Լրագրողների հետ զրույցում պարոն Օսիպյանը պատախսանեց նաև հարցին՝ արդյո՞ք ինքը նվերներ տանում է վարչապետ Փաշինյանին:
Օրեր առաջ Փաշինյանը հայտարարել էր, որ տարբեր քաղաքացիներ իրեն նվերներ են տանում, սակայն ինքը կարգադրել է, որ անվտանգության աշխատակիցները թույլ չտան, որ իր սենյակ նվերներով մտնեն:
Օսիպյանը նշեց, որ վարչապետն այդպիսի մարդ չէ, նվերներ ընդունող չէ՝ հավելելով, որ ինքն էլ նվերներ տվող չէ:
Ոստիկանապետը նշեց, որ իր միակ նվերը բարեխիղճ ծառայությունն է:
Ինչ վերաբերում է Սասնա ծռերին և մասնավորապես նրան, թե մնում է արդյո՞ք ինքն իր կարծիքին, որ վերջիններիս նկատմամբ համաներումը չպետք է տարածվի, Օսիպյանը նշեց, որ մի անգամ խոսել է այդ մասին, իր կարծիքը չի փոխվել, ինքը դրան դեմ է:
Ոստիկանության թիվն Օսիպյանը չհայտնեց՝ նշելով, որ կազմում են ոստիկանական զորքերը, որոնց թիվը գաղտնի է պահվում, իսկ հասարակական կարգը պահպանող ոստիկանների թիվը մոտ 900 է:
