Ադրբեջանի ԱԳ նախարարությունը մեկնաբանել է ՀՀ ԱԱԾ տնօրեն Արթուր Վանեցյանի հայտարարությունը, որը վերջինս արել է Արցախում:
Արցախում Վանեցյանը հայտարարել էր․ «Մենք ոչ մի թիզ հող հետ հանձնելու նպատակ չունենք, այլ ընդհակառակը, մեր հողերում պետք է բնակվեն մեր հայրենակիցները և շենացնեն մեր երկիրը»:
Բաքվում հայտարարել են, թե իբր Վանեցյանի խոսքերը սադրանք են և հայկական կողմը պատասխանատվություն է կրում նման հայտարարությունների հետևանքների համար:
Ադրբեջանի ԱԳ նախարարությունը նաև հայտնել է, որ պատրաստվում են դմել ՄԱԿ-ին, ԵԱՀԿ-ին և բողոքել, որ հայկական կողմը պատրաստվում է բնակեցնել Արցախի սահմանային շրջանները:
