Առանց Հայկական Բանակի չկա Հայաստան եւ Արցախ: Այս մասին ասված է Ս.Դ. Հնչակյան կուսակցության Հայաստանի վարչության տարածած շնորհավորական հայտարարության մեջ:
Շնորհավորանքում, մասնավորապես, ասվում է.
«Հարգելի սպանե՛ր, զինվորնե՛ր: 22 տարի առաջ Արցախյան պատերազմի բովի մեջ ծնունդ առավ Հայկական Բանակը, որը դարձավ Հայաստանի եւ Արցախի անվտանգության, շարունակականության երաշխավորն ու խորհրդանիշը: Այս տոնական օրը հիրավի խորհրդանշական է բոլորի համար, տոն, որը նշվում է ոչ միայն Հայաստանում, այլեւ Արցախում ու բովանդակ Սփյուռքում: Յուրաքանչյուր հայորդի հպարտ է իրեն զգում Հայկական բանակի կազմավորման օրը:
Առանց հայկական բանակի չկա Հայաստան եւ Արցախ:
Առանց հայ զինվորի, չկա խաղաղություն եւ ապահով կյանք:
Մենք՝ բոլորս, ապրում ենք անվտանգ երկրում շնորհիվ Ձեզ՝ սիրելի սպաներ եւ զինվորներ:
Կեցցե Հայաստանն ու Արցախը, Կեցցե Հայկական Բանակը»: