Հունվարի 28-ին Բանակի օրվա կապակցությամբ «Եռաբլուր» այցելած Պաշտպանության նախարար Սեյրան Օհանյանին տեսնելու և իրենց խնդիրները բարձրաձայնելու համար պանթեոն էին գնացել մահացած զինծառայողների, զոհված ազատամարտիկների մայրերը, «Զինվոր և իրավունք» կազմակերպության անդամները։
Մինչև ծաղկեպսակներ դնելը Սեյրան Օհանյանը մեկ առ մեկ ողջունեց «Եռաբլուրում» հավաքվածներին՝ ազատամարտիկներին, ԵԿՄ անդամներին, զոհվածների հարազատներին։
Ղարաբաղյան պատերազմին մասնակցած ազատամարտիկներն առողջական և սոցիալական խնդիրների համար գումար և այցելություն էին խնդրում նախարարից։
Հավաքվածներին հետաքրքրում էր նաեւ զինծառայողների աշխատավարձերի բարձրացման հարցը։
Զինծառայողների ու նրանց ընտանիքների սոցիալական ու բնակարանային խնդիրներով նախարարի հետ հանդիպում խնդրող «Զինվոր և իրավունք» կազմակերպության անդամներին Սեյրան Օհանյանը խոստացավ ընդունել հունվարի 31-ին՝ ճաշից հետո
