Սլովենիայում երիտասարդ աղջիկը կտրել է ձեռքը հանուն 400 հազար եվրո ապահովագրական վճար ստանալու: Այս մասին հայտնում է BBC News-ը:
Միջադեպը տեղի է ունեցել Լյուբլյանա քաղաքում: Հիվանդանոց դիմած հարազատները պնդել են, թե 21-ամյա աղջիկը պատահաբար է կտրել ձեռքը, երբ ցանկացել է փայտ կտրել:
Իրավապահները կասկածում են, որ դավադրության կազմակերպիչները միտումնավոր են կտրված ձեռքը թողել տանը, որպեսզի հաշմանդամության կարգ ստանան, ինչը հավելյալ փոխհատուցում կբերեր: Բարեբախտաբար կտրված ձեռքը ժամանակին տեղափոխել են հիվանդանոց, բժիշկներին հաջողվել է հրաշք գործել և այն վերականգնել:
Սկսվել է քննություն, կասկածյալը կարող է 8 տարվա ազատազրկման դատապարտվել:
