Վրաստանի Էներգետիկայի և զարգացման նախարարության և ռուսական Գազպրոմի միջև ավարտվել են բանակցությունները, որոնք վերաբերում են Վրաստանի տարածքով ռուսական գազը Հայաստան տեղափոխելուն: Այս մասին հայտարարել է Վրաստանի վարչապետ Մամուկա Բախտաձեն, փոխանցում է Սպուտնիկ Վրաստանը:
Հիշեցնենք, որ վերջին պայմանագրի ժամկետը լրացել է 2018 թվականի դեկտեմբերի 31-ին:
Վրաստանի վարչապետը նշել է, որ բանակցությունները Թբիլիսին վարել է ելնելով հետևյալ սկզբունքներից՝ Վրաստանի էներգետիկ անկախության պահպանում, պայմանագրում Վրաստանի դիրքերի բարելավում: Նա նշել է, որ բանակցություններն ավարտվել են նշյալ սկզբունքների պահպանմամբ:
Բանակցությունների մանրամասները հայտնի կդառնան Վրաստանի կառավարության նիստից հետո, երբ Էներգետիկայի նախարարը հանդես կգա հայտարարությամբ:
