ԱՄՆ նախագահ Բարաք Օբաման CNN հեռուստաալիքին տված հարցազրույցում նշել է, թե չի կասկածում, որ Սոչիի Օլիմպիական խաղերի ընթացքում անվտանգության միջոցառումները կապահովվեն ինչպես հարկն է, գրում է РИА Новости-ն։
Պատասխանելով այն հարցին, թե նա խորհուրդ կտա՞ր իր մտերիմներին մեկնել Օլիմպիադային, Օբաման նշել է. «Ես նրանց կասեի, որ Սոչիում անվտանգ է, սակայն միշտ էլ առկա է որոշակի ռիսկ, երբ խոսքը խոշոր միջազգային միջոցառումների մասին է»։
Օբաման հավելել է նաև, որ ամբողջությամբ չի բացառի ռիսկերը՝ հիշեցնելով ԱՄՆ-ում Բոստոնի մարաթոնը։ Բացի այդ, նախագահը նշել է, որ Ռուսաստանի և ԱՄՆ-ի իշխանությունները համակարգում են ջանքերն Օլիմպիադայի անվտանգության հարցերի շուրջ։
«Մենք ուսումնասիրել ենք նրանց պլանները։ Կարծում եմ՝ կարող ենք ասել, որ ձեռնարկվել են միջոցառումներ ոչ միայն մարզիկների, այլև հյուրերի անվտանգության ապահովման ուղղությամբ»,- պարզաբանել է Օմաբան։
