Մաշտոց-Թումանյան խաչմերուկում իրավիճակը խիստ լարված է: Ակցիա են անում Օպերայի հարակից տարածքի ապամոնտաժման ենթական սրճարանների աշխատակիցները՝ պահանաջելով հանդիպում Երևանի քաղաքապետ Հայկ Մարությանի հետ: Ակցիայի մասնակիցները պահանջում են նաև չապամոնտաժել իրենց սրճարանները:
Քիչ առաջ ցուցարարները փակել էին Մաշտոցի պողոտայի մի մասը: Ոստիկաններին հաջողվեց այն բացել՝ ընթացքում բերման ենթարկելով մի քանի քաղաքացու:
Ոստիկանական գործողություններից հետո քաղաքացիները փակեցին Թումանյան փողոցը:
Ցուցարարներից մեկը, դիմելով Նիկոլ Փաշինյանին, հայտարարեց, որ ՀՀԿ-ն վատը չի եղել, թալանել է, սակայն չի քանդել, իսկ նոր իշխանությունները եկել են ու միայն քանդում են:
Ավելի վաղ Երևանի քաղաքապետարանը հայտարարություն էր տարածել,որ այսօր սրճարանների ապամոնտաժումը շարունակվելու է:
