Օպերայի տարածքում ոստիկանների և ապամոնտաժման ենթական սրճարանների աշխատակիցների միջև բախման արդյունքում վնասվածք ստացող է եղել:
Լրագրողների հետ զրույցում Ջազվե սրճարանի աշխատակցուհին ասաց, որ իրենց աշխատակիցներից մեկի ձեռքը վնասվել է, իրենք իրենց ուժերով լվացել են. «Ինձ համար ավելի լուրջ է բարոյական վնասը: Ես բնիկ երևանցի եմ, ես էլ եմ ուզում կանաչ գոտիներ լինեն»:
Երիտասարդ կինն ասաց, որ ինքը ևս բռնության է ենթարկվել, սակայն ոստիկանությանը չի դիմել. «Մենք ունենք միլիցեք, որոնք հարգանքի արժանի չեն: Ինչու ես պետք է պատռված վերարկուով գնամ տուն, ես աղջիկ եմ: Սա ոստիկաներն են արել»: