Արաբական աշխարհի եւ Ուկրաինայի դեպքերից պետք է համապատասխան հետեւություններ անել, փետրվարի 1-ին լրագրողներին ասել է Հայաստանի Ազգային անվտանգության խորհրդի քարտուղար Արթուր Բաղդասարյանը:
Նրա խոսքով՝ պետք չէ կտրուկ եւ միանշանակ գնահատականներ տալ կատարվող դեպքերին: «Ուկրաինայի կամ արաբական երկրների կամ որեւէ այլ տեղի իրադարձությունները Հայաստանի հետ համեմատելու շատ փորձեր են արվում: Փորձում են զուգահեռներ գտնել, ենթադրել, թե ինչ կորոշեր կամ կձեռնարկեր Հայաստանի հասարակությունն այս կամ այն իրավիճակում: Կարող եմ ասել, որ Ուկրաինայում այժմ հանրային վստահության աստիճանը բավական մտահոգիչ է», – հայտարարել է Բաղդասարյանը:
Այնուամենայնիվ, ցանկացած գործընթացից պետք է քեզ համար հետեւություններ անես, լինի դա «դրական պոռթկում, թե բացասական ցնցում», հավելել է Բաղդասարյանը:
