ՀՀ վարչապետ Նիկոլ Փաշինյանի խոսնակ Վլադիմիր Կարապետյանը մեկնաբանել է տեղեկություններն այն մասին, որ Մոսկվայում հոնորար է ուզել Մարտի 1-ի մասին ֆիլմ նկարած լրագրող Ռոման Բաբայանից:
Sputnik Հայաստանի հետ զրույցում Կարապետյանը հայտնել է, որ հարցազրույցի համար հոնորարի մասին հիշատակումը կատակ է եղել:
Օրեր առաջ Մոսկվա կատարած այցի ժամանակ Կարապետյանը հանդիպում է ունեցել նաև ԶԼՄ-ների ներկայացուցիչների հետ, որոնց թվում եղել է նաև Բաբայանը: Վերջինիս հետ զրույցում վարչապետի խոսնակը խոսել է վերոնշյալ ֆիլմի մասին և հոնորար է ուզել իր հարցազրույցի համար, որը եղել է ֆիլմում:
Խոսակցության նյութի մասին Կարապետյանը մեկնաբանություններ չի արել՝ միայն ասելով, որ հոնորարի մասին ասվածը կատակ է եղել:
