Analitik.am-ի հիմնադիր Անի Հովհաննիսյանն իր ՖԲ էջում գրում է․
«Պատկերացրեք, որ դուք ունեք տուն, որի տանիքից ջուր է կաթում, հատակը կիսաքանդ է, պատերը՝ կիսատ-պռակ, ուր որ է փլվելու են, առնետներ են վազվզում, քանի որ աղբը տեղ չկա թափելու և այս պայմաններում բերում տան մեջտեղում պալմա եք դնում, թե բա մաքուր օդ և թթվածին է պետք տանը:
Նույնն Օպերայի հարակից տարածքի կանաչապատումն է. Երևանն ունի բազմաթիվ լուրջ խնդիրներ. աղբահանության խնդիր, շենքերի մեծ մասը քանդման ենթակա են, տրանսպորտն անմխիթար վիճակում է, շենքերի տանիքները, ջրահեռացման, ոռոգման համակարգը, այս շարքը երկար կարելի է շարունակել և այս պայմաններում, թե բա Օպերայի հարակից տարածքը պետք է կանաչապատ լինի, սիրտներս գազոն է ուզում...
Փաստացի, լուրջ գործերը թողած, նստել թիթեռ եք նկարում...)
Հ.Գ. Ի՞նչն էր խանգարում այդ սրճարանների տարածքի վարձի գումարը բարձրացնեիք, այդ գումարներն էլ ուղղեիք այս բազմաթիվ խնդիրներից գոնե մեկի լուծմանը»:
