Ռուսաստանն ու Եգիպտոսը պայմանագր են ստորագրել, որով ռուսական կողմն արաբական երկրին մի քանի տասնյակ Су-35 կործանիչ է վաճառելու: Այս մասին հայտնում է Կոմմերսանտը՝ հղում անելով պաշտպանական արդյունաբերության երկու մենեջերներին:
Ստորագրված պայմանագրով մատակարարվելու է ավելի քան երկու տասնյակ կործանիչ և տարբեր ավիացիոն միջոցներ՝ մոտ 2 միլիարդ դոլարի: Պայմանագիրն ուժի մեջ է մտել 2018-ի վերջին, իսկ մատակարարումը կարող է սկսվել արդեն 2020-21 թվականներին:
Պաշտոնապես այս ինֆորմացիան չի մեկնաբանվել:
