Իշխող քաղաքական թիմն աջակցում է Երևանի քաղաքապետարանի որոշումը՝ կապված Օպերայի հարակից տարածքի սրճարանների ապամոնտաժման հետ: Այս մասին լրագրողների հետ զրույցում հայտարարել է ՀՀ փոխվարչապետ Տիգրան Ավինյանը. «Միանշանակ աջակցում է, դա թիմային որոշում է: Հասարակության արձագանքն էլ շատ ադեկվատ է, և ես համոզված եմ, որ նմանատիպ քաղաքականությունը պետք է շարունակական լինի, քանի որ խոսքը վերաբերում է Երևանի ամենակենտրոնին»:
Ավինյանը նաև նշել է, որ արտոնյալներ չեն լինելու:
Հիշեցնենք, որ Օպերայի հարակից տարածքի սրճարանների ապամոնտաժման աշխատանքները մեկնարկեցին նախորդ շաբաթ:
