Հասարակություն 

Ինչ-որ մարդիկ գնում են դպրոցներ և իբր ֆիլմի քասթինգի համար աղջիկներից կարճ յուպկայով, մեջքը բաց նկարներ ուզում

Դերասան Տիգրան Նալչաջյանը ֆեյսբուքյան իր էջում գրում է.

ԽՆԴՐՈՒՄ Եմ ՈՒՇԱԴՐՈՒԹՅՈՒՆ
Հարգելի դպրոցների տնօրեններ, մանկավարժներ, ծնողներ և աշակերտներ։ Բացահայտել եմ դեպք, որ դպրոցներ են գնում մի կամ մի քանի խաբեբա խարդախներ, ներկայանում որոշակի հեռուստաընկերությունից և ասում, թե իբր ֆիլմի քասթինգ են անում ու աղջիկներից կարճ յուպկայով, մեջքը բաց նկարներ են ուզում։

Նախ` տվյալ թիվիից արդեն ճշտել եմ, որ իրենք կապ չունեն դրանց հետ։

Անձամբ ճանաչում եմ նրանցից մեկին, ով հոգեկան շեղումներով ոչ ադեկվատ մեկն է, ով երբեք ֆիլմ չի նկարել ու չի էլ կարող նկարել։

Առայժմ ոչ հեռուստաընկերության, ոչ էլ տվյալ կենդանատեսակի անունը չեմ հրապարակում, որ հուշտ չանեմ։ Եթե էլի կան նման դեպքեր` գրեք ինձ տեսնեմ նույն մարդու մասին է, թե ոչ։

Մեկ էլ հիշեք, արդեն 10 տարի այս ոլորտում եմ, ինքս անց եմ կացրել քասթինգներ, մասնակցել քաթինգների ու շատ լավ գիտեմ այդ պրոցեսը։ Երբեք ոչ մի քասթինգում, այն էլ դպրոցականներից ոչ մի տեղը բաց նկար չեն պահանջում։ Նման բան կարող է լինել միայն չափահաս դերասանուհու հետ, եթե վերջինս համաձայնվել է նկարահանվել բաց տեսարանում։

  • 144
  •  
  •  
  • 5
  •  
  • 1
  •  
  •  
  •  
    150
    Shares

Նույն շարքից