Հայաստանի՝ Մաքսային միությանն անդամակցելու դեպքում երեք լուրջ խնդիրներ կծագեն՝ կբարձրանան ապրանքների գները, խնդիրներ կծագեն ինքնիշխանության հետ, բացի այդ՝ Հայաստանի շահերը, որոնք կապված են ԼՂ հետ, չեն համապատասխանում ՄՄ անդամ-երկրների շահերի հետ: Այս մասին այսօր կայացած մամուլի ասուլիսի ժամանակ հայտարարել է տարածաշրջանային համագործակցության ու գլոբալիզացիայի վերլուծական կենտրոնի ղեկավար, քաղաքագետ Ստեփան Գրիգորյանը:
Այն, որ ՄՄ-ին անդամակցելուց հետո Հայաստանում գները կբարձրանան, հայտարարել է հենց ֆինանսների նախարարությունը: Նա հավելել է, որ ՄՄ-ին անդամակցելու հետո ներկրվող եվրոպական ապրանքների գները կբարձրանան, քանի որ միությանն անդամակցելուց հետո բոլոր երկրները, բացի Ռուսաստանից, Բելառուսից ու Ղազախստանից, կդառնան երրորդ երկրներ: Նա նաեւ բարձրացրել է երկրի ինքնիշխանության հետ կապված խնդիրները՝ մեկնաբանելով կառավարության այն հայտարարությունը, որ ԵՄ հետ հարաբերությունները զարգանալու են ՄՄ միջոցով:
Հիշեցնենք, որ Հայաստանը հայտարարել էր, որ մտադիր է անդամակցել ՄՄ-ին՝ սեպտեմբերի 3-ին Հայաստանի ու Ռուսաստանի նախագահների մոսկովյան հանդիպումից հետո:
