Ղազախստանի նախագահ Նուրսուլթան Նազարբաևի հրաժարականը որևէ կերպ չի ազդելու ՀԱՊԿ-ում կայացված պայմանավորվածությունների կատարման վրա: Այս մասին հայտարարել է կազմակերպության գլխավոր քարտուղարի պաշտոնակատար Վալերի Սեմերիկով:
«Ինչպե՞ս Նազարբաևի հրաժարականը կարող է ազդել պայմանավորվածությունների կատարման վրա, եթե ՀԱՊԿ անդամ բոլոր երկրները կապված են իրար հետ մեկ պայմանագրով: Այնտեղ հստակ գրված է պարտավորությունների մասին, որոնք երկրներն ունեն միմյանց նկատմամբ»,-ասել է Սեմերիկովը:
ՀԱՊԿ գլխավոր քարտուղարի պաշտոնակատարի խոսքերով, Նազարբաևի հրաժարականը չի նշանակում, որ նրա ստորագրած որոշումները լեգիտիմ չեն: