Բարի օր Հասարակություն 

Մորաքրոջ հարսին իբր պետք է բերեին նշանակելու. ԿԳ նախարարը՝ Ավշարի դպրոցում իրավիճակի մասին

Մարզպետարանի ենթակայության դպրոց է, պրոցեսներ են տեղի ունեցել, որոնք դեռ չեն կարգավորվում, այսօր էլ, երեկ էլ նախարարությունից ներկայացուցիչներ են գնացել այնտեղ, պետք է փորձել վերականգնել աշակերտների իրավունքները, բայց այդ հարցում պետք է ծնողներն էլ աջակցեն: Այս մասին լրագրողների հետ զրույցում հայտարարել է ԿԳ նախարար Արայիկ Հարությունյանը՝ խոսելով Ավշարի դպրոցում տեղի ունեցող զարգացումների մասին:

Հարությունյանի խոսքերով, վերջնագրերով խոսելու տարբերակը, որն ընտրվել է ճիշտ չէ. «Բոլոր խնդիրները հնարավոր է լուծել, բայց ոչ վերջնագրերով և իրենց երեխաների կրթական իրավունքները խախտելով»:

Հիշեցնենք, որ ծնողներն ու աշակերտները պահանջում են տնօրենի հեռանալը:

Լրագրողների հետ զրույցում նախարարը, խոսելով այն մասին, թե ինչպես է վերաբերում բարեկամական կապերին, քանի որ ըստ խոսակցությունների խոսքը վերաբերում է Արարատի մարզպետի մորաքրոջ հարսին, ասաց, որ նման բան չկա. «Մորաքրոջ հարսին իբր պետք է բերեին նշանակելու, սակայն որևէ նշանակում չի եղել: Ես չգիտեմ, թե ինչ գործընթաց է եղել»:

Հարությունյանը նշեց, որ դեմ է ծանոթ-բարեկամների նշանակմանը. «Խնամիաբարեկամական կապերով որևէ մրցույթ չի անցել, որևէ մեկը չի հաղթել»:

 

  • 117
  •  
  •  
  • 1
  •  
  • 1
  •  
  •  
  •  
    119
    Shares

Նույն շարքից