Կրասնոդարի 22-ամյա բնակիչ Արման Ծառուկյանը UFC Fight Night մրցաշարում ուժերը չափելու է ռուսաստանցի հայտնի մարզիկ, Հաբիբ Նուրմագոմեդովի թիմակից Իսլամ Մախաչևի հետ:
Ծառուկյանի մրցակիցը ութանկյուն ռինգում նորամուտը նշել է 2015 թվականին, անց է կարցել 6 մենամարտ, որոնցից հաղթել է 5-ում: Միակ մարզիկը, ով հաղթել է Իսլամին, բրազիլացի Ադրիանու Մարտինսն է, ով դաղստանցուն նոկաուտի է ենթարկել հենց առաջին ռաունդում:
22-ամյա Արման Ծառուկյանն իհարկե առաջին պատահած մարզիկը չէ, սակայն սա լինելու է նրա առաջին մենամարտը թոփ մարզիկի դեմ: Արմանը մարզվել է Խաբարովսկում, ինչպես նաև Թայլանդի Tiger Muay Thai հայտնի դպրոցում:
Մենամարտը տեղի է ունենալու ապրիլի 20-ին: