Ռուսաստանը Գոլանի բարձունքները ճանաչում է որպես սիրիական տարածք: Այս մասին հայտարարել է ՌԴ ԱԳ նախարարության պաշտոնական ներկայացուցիչ Մարիա Զախարովան՝ մեկնաբանելով ԱՄՆ նախագահ Դանոլդ Թրամփի հայտարարությունը:
Ավելի վաղ ԱՄՆ նախագահը հայտարարել էր, թե արդեն ժամանակն է, որ Գոլանի բարձունքները ճանաչվեն որպես Իսրայելի տարածք:
Զախարովան հիշեցրել է, որ ՄԱԿ-ի ԱԽ-ի կողմից 1981 թվականին ընդունված համար 497 բանաձևով Գոլանի բարձունքները ճանաչվել են Սիրիայի տարածք, հետևաբար այդ տարածքի կարգավիճակի փոփոխությունը, առանց ՄԱԿ-ի ԱԽ-ի, կազմակերպության որոշման խախտում է:
Հավելենք, որ Թրամփի հայտարարությունն արդեն դատապարտել են Սիրիան և Իրանը:
