Հասարակություն 

Վալերիյ Օսիպյանն ընդունել է ՀՀ առողջապահության նախարարի գլխավորած պատվիրակությանը (ՏԵՍԱՆՅՈՒԹ, ԼՈՒՍԱՆԿԱՐՆԵՐ)

Մարտի 22-ին ՀՀ ոստիկանության պետ Վալերիյ Օսիպյանն ընդունեց ՀՀ առողջապահության նախարար Արսեն Թորոսյանի գլխավորած պատվիրակությանը:

Հանդիպմանը մասնակցում էին առողջապահության նախարարության պաշտոնատար անձինք ու ոստիկանության մի քանի ստորաբաժանումների պատասխանատուներ:

Քննարկվեցին թմրանյութեր պարունակող հակացավային դեղամիջոցների, շտապ օգնության ծառայության, վարորդական վկայականների տրամադրման, պացիենտների անձնական տվյալների պաշտպանության մասին հարցեր և ոլորտներին վերաբերող օրենսդրական փոփոխությունների նախագծեր:

Երկու գերատեսչությունների ղեկավարները միակարծիք էին, որպեսզի ճանապարհային ոստիկանությունն առավել ուժեղացնի ծառայությունը լուսաձայնային ազդանշաններով երթևեկող շտապօգնության մեքենաներին ճանապարհ չզիջող վարորդներին, նաև անհարկի լուսաձայնային ազդանշաններ արձակող, խախտումներ կատարող այն շտապօգնության մեքենաների վարորդներին հայտնաբերելու հարցում, որոնք պացիենտ չեն տեղափոխում:

Առողջապահության նախարարության և ոստիկանության պատասխանատուները առաջարկներ արեցին ու քննարկեցին երկու կառույցներին վերաբերող այլ հարցեր:

Որոշվեց ստեղծել միջգերատեսչական աշխատանքային խումբ` իրավիճակն օպերատիվ վերահսկելու և համակարգված աշխատելու համար:


        

  • 72
  •  
  •  
  •  
  •  
  •  
  •  
  •  
  •  
    72
    Shares

Նույն շարքից