Բրիտանական «The Sun» պարբերականը կոչ է արել Մեծ Բրիտանիայի վարչապետ Թերեզա Մեյի հեռանալ իր պաշտոնից:
«Ժամանակն է, Թերեզա» վերնագրով հոդվածում նշվում է, որ հրաժարականը Բրեքսի պայմանագրերին աջակցելու միակ հնարավորությունն է: Թերթը գրում է, որ Եվրամիության հետ գործարքի հաստատումից անմիջապես հետո պաշտոնից հեռանալու մասին որոշումը կհայտարարվի մայիս ամսին:
Լրագրողները կարծում են, որ նման որոշումը կնպաստի նախագծի ընդունմանը երրորդ փորձից և կսկսվի նոր վարչապետի ընտրության գործընթացը: ԵՄ մաքսային միությունում Մեծ Բրիտանիայի անդամակցության հետ կապված տարբերակը պարբերականն անվանել է «ողբերգություն»:
«Տիկին Մեյն արժանի է մեծ հարգանքի: Նա նվիրված քաղաքացիական ծառայող է, ով ունի անսասան պատասխանատվության զգացում, ով 2016 թվականին իր վրա է վերցրել ամենադժվար խնդիրը՝ ցանկացած վարչապետի համար Երկրորդ համաշխարհային պատերազմից ի վեր»,-նշում է The Sun-ը:
Ավելի վաղ հաղորդվել էր, որ մի շարք բրիտանացի նախարարներ համաձայնել են հեռացնել կառավարության ներկայիս ղեկավար Թերեզա Մեյին: Նրանք ակնկալում են, որ նա հրաժարական կտա 10 օրվա ընթացքում։
Հիշեցնենք, որ պաշտոնապես, Մեծ Բրիտանիան պետք է դուրս գա ԵՄ-ից մինչև 2019 թվականի մարտի 29-ը:
