Ռուսաստանում 2000-ակններին հրատարակվեց մի գիրք, որը ծեր մարգարեի հետ զրույցների և գուշակությունների ժողովածու է: Մարգարեն երկար տարիներ շփվել էր և զրուցել Աֆոն այցելած զբոսաշրջիկների և ուխտավորների հետ: Գուշակը 1994 թ. հուլիսի 12-ին մահացած և առաջիկայում ուղղափառ եկեղեցու կողմից սրբացվելիք հույն ճգնավոր Փաիսիան էր (աշխարհիկ անունը Արսեն Եզնեպիդիս):
Նշենք, որ առասպելական Վանգայի նման նրա գուշակությունների մեծ մասն իրականացել է:
Ստորև ներկայացնենք նրա գուշակություններից հայերիս վերաբերվող մի հատված.
Վանական եղբայրը հարցնում է ծերունուն Սերբիայի իրադարձությունների մասին և նա պատասխանում է. «եվրոպացիները հանուն թուրքերի այժմ անկախացնում են այն երկրամասերը, որտեղ ապրում են մուսուլմաններ (Բոսնիա, Հերցեգովինա):
Սակայն ես այժմ տեսնում եմ, որ Թուրքիան կմասնատեն « ազնիվ » միջոցներով: Կապստամբվեն հայերն ու քրդերը և եվրոպացիները կպահանջեն թուրքերից ինքնուրույնություն տալ այդ ժողովուրդներին: Եվ կասեն Թուրքիային՝ մենք ձեզ Եվրոպայում ընդառաջ ենք գնացել, իսկ հիմա նման ձևով անկախություն պետք է ստանան հայերն ու քրդերը: Այսպես « ազնվորեն » կմասնատեն Թուրքիան»:
Ծերունին շարունակում է. «Ռուսաստանը կնվաճի Թուրքիան և վերջինս կանհետանա աշխարհի երեսից, որովհետև թուրքերի 1/3 –ը քրիստոնիա կդառնա, 1/3-ը կոչնչանա իսկ 1/3-ը կվերադառնա Միջագետք: Միջին Արևելքը կդառնա պատերազմի թատերաբեմ, որին կմասնակցեն ռուսները, շատ արյուն կթափվի և նույնիսկ չինացիները, ունենալով 200.000.000 բանակ, կանցնեն Եփրատ գետը և կնվաճեն Երուսաղեմը »:
Այս մարգարեի գուշակությունները մեզ հետաքրքրում են, որովհետև այս պահի աշխարհաքաղաքական ցնցումները Մերձավոր Արևելքում և Թուրքիայի ծանր ներքին և արտաքին քաղաքական վիճակը թույլ են տալիս մտածելու, որ սկսվել է այն գործընթացը, որի մասին անցած դարում գուշակել էր իմաստուն ծերունին:
Կապրենք… և հուսով եմ, որ կտեսնենք:
