Մենք բավարարված ենք, շատ բարձր ենք գնահատում նրանց կատարած աշխատանքը, բարձր պրոֆեսիոնալիզմ ունեն, սա քաղաքական թիմի որոշում է, քաղաքական թիմով աշխատելու որոշում, իսկ թե ում կառաջադրենք նախարարի տեղակալի պաշտոնում, կորոշենք: Այս մասին լրագրողների հետ զրույցում հայտարարել է Արդարադատության նախարար Արտակ Զեյնալյանը՝ պատասխանելով հարցին, թե ինչու են պաշտոնանկ արվել արդարադատության փոխնախարարներ Արթուր Հովհաննիսյանը և Սուրեն Քրմոյանը:
Ավելի վաղ մամուլը գրել էր, որ փոխնախարարները պաշտոնանկ են արվել, քանի որ չեն ենթարկվել վարչապետ Նիկոլ Փաշինյանի հորդորին և ամանորյա տոներն անց են կացրել Հայաստանից դուրս:
