Թուրքիայի խորհրդարանի (մեջլիսի) քրդամետ «Ժողովուրդների դեմոկրատական կուսակցության» (HDP-ԺԴԿ) հայ պատգամավոր Կարո Փայլանը մարտի 31-ին կայանալիք ՏԻՄ ընտրությունների նախընտրական քարոզարշավի շրջանակում այցելել է Դիարբեքիր (Տիգրանակերտ):
Նա իր այցի վերաբերյալ գրառում է կատարել Twitter-ում, կցելով նաև լուսանկարներ:
«Ողջ օրը շրջեցինք Դիարբեքիրի գյուղերով: Նույնիսկ չգտանք մեկին, որ համոզեինք: Ուր գնացինք, մեզ մեծ ոգևորությամբ դիմավորեցին: Շուրջպար բռնելուց հետո մեզ ճանապարհեցին՝ ասելով «այստեղ հարց չկա, hewal»,- նշված է պատգամավորի գրառման մեջ:
Hewal - քրդերեն բառ, որը նշանակում է ընկեր, բարեկամ:
