Եգիպտոսի իշխանությունները արգելված «Մահմեդական եղբայրներ» շարժմանը մեղադրել են երկրի հարավում կազմակերպության մարտական թև ստեղծելու համար:
Երկրի ՆԳ նախարարի խոսքով՝ գրոհայինների ջոկատներ են ձեւավորվում Եգիպտոսի իշխանական կառույցների վրա հարձակվելու նպատակով:
Մանսավորապես հրապարակվել են «Մահմեդական եղբայրների» մարտական թեւի 12 հավանական անդամների անուններ, որոնք մեղադրվում են հինգ ոստիկանի սպանության մեջ, հայտնում է BBC-ի ռուսական ծառայությունը:
Հիշեցնենք, որ անցյալ տարվա դեկտեմբերի վերջին Եգիպտոսի ժամանակավոր կառավարությունը «Մահմեդական եղբայրներին» ահաբեկչական կազմակերպություն էր հռչակել: Ձերբակալվել էին շարժման հազարավոր ակտիվիստներ:
