Ժնևում առաջին բանակցություններից օրեր անց սկսվում է Սիրիայի ճգնաժամի խաղաղ կարգավորման երկրորդ փուլը, հայտնում է The Guardian-ը:
Ակնկալվում է, որ այսօր կառավարության և ընդդիմության պատվիրակությունների հետ առանձին-առանձին բանակցություններ կանցկացնի Լախդար Բրահիմին` Սիրիայի հարցով ՄԱԿ-ի հատուկ հանձնակատարը:
Հայտնի է, որ պատվիրակությունները Ժնև են ժամանել կիրակի օրը։
Աղբյուրը սա գնահատում է մինչ այժմ եռամյա սիրիական հակամարտության ամենամեծ առաջխաղացումը` դեպի խաղաղության հաստատում:
Նախորդ բանակցությունների միակ շոշափելի արդյունքը եղել էր 600 օր շարունակ պաշարված Հոմս քաղաքից երեխաների, կանանց ու ծերերի դուրսբերման մասին պայմանավորվածությունը:
