Րոպեներ առաջ ավարտվեց ՀՀ վարչապետ Նիկոլ Փաշինյանի առաջին պաշտոնական հանդիպումն Ադրբեջանի նախագահ Իլհամ Ալիևի հետ: Փաշինյանը քիչ առաջ հեռացավ «Bristol» հյուրանոցից, որտեղ կայացավ հանդիպումը: Ադրբեջանի նախագահը շարունակում է մնալ հյուրանոցում:
Փաշինյան-Ալիև հանդիպմանը նախորդել էր ընդլայնված կազմով հանդիպումը, որին մասնակցել էին նաև ԵԱՀԿ ՄԽ համանախագահներն, ԵԱՀԿ գործող նախագահի ներկայացուցիչն ու երկու երկրների ԱԳ նախարարները:
ՀՀ վարչապետի և Ադրբեջանի նախագահի առանձնազրույցը տևեց 2 ժամ, ինչպես նախատեսվել էր: Առանձնազրույցից հետո համանախագահները, ԵԱՀԿ գործող նախագահի անձնական ներկայացուցիչն ու ԱԳ նախարարները կրկին միացել էին երկրների ղեկավարներին:
Ընդհանուր առմամբ բանակցությունները տևեցին ավելի քան 3 ժամ: Կողմերը դեռ որևէ մեկնաբանությամբ հանդես չեն եկել:
