«Առողջապահության փոխնախարարը կհյուրընկալվի «Ուտում ենք Խաչիկյանի հետ» հաղորդմանը»,-ֆեյսբուքյան իր էջում գրում է ՀՀ վարչապետի խորհրդական Մեսրոպ Առաքելյանը:
Առաքելյանն ամենայն հավանականությամբ նկատի ունի փոխնախարար Արսեն Դավթյանին, ով այսօր ձերբակալվել է կաշառք վերցնելու կասկածանքով:
Ինչ վերաբերում է Վազգեն Խաչիկյանին, ապա շատերն են հիշում, որ Սոցիալական ապահովության պետական ծառայության նախկին պետը կազմակերպված խմբով յուրացման եղանակով 211.680.984 ՀՀ դրամ և խարդախությամբ 29 միլիոն դրամ գումար հափշտակելու, պաշտոնեական կեղծիք կատարելու համար դատապարտվել էր 12 տարվա ազատազրկման և ազատ արձակվել 2017 թվականին՝ համաներմամբ:
Օրեր առաջ Խաչիկյանը խոհարարական հաղորդում է բացել, որին տվել է բավականին օրիգինալ անուն՝ «Ուտում ենք Խաչիկյանի հետ»:
