Լոս Անջելեսում իր հագուստի խանութի մոտ գնդակահարել են ամերիկացի ռեփեր Էրմիաս Ասգեդոմին, ով ավելի հայտնի է Nipsey Hussle անունով: Այս մասին հայտնում է TMZ-ն:
Ռեփերը 33 տարեկան էր:
Հարձակման ժամանակ ևս երկու մարդ տուժել է, նրանք տեղափոխվել են հիվանդանոց:
Նախնական տեղեկություններով, կասկածյալը 20-ամյա սևամորթ տղամարդ է: Ականատեսները հայտնում են, որ կասկածյալը սպանության վայրից փախուստի է դիմել ավտոմեքենայով, որի ղեկին կին է եղել:
Ռեփերը կապ է ունեցել Crips խմբավորման հետ:
Հավելենք, որ 2008 թվականից ռեփերի կարիերա սկսած Nipsey Hussle-ն աշխատել է այնպիսի հսկաների հետ, ինչպիսիք են Drake-ը, Rick Ross-ը, Young Thug-ը և Snoop Dogg-ը:
