Ինչպես ապրիլին Զինված ուժերը հերոսաբար արձագանքեցին այդ մարտահրավերին, մեր երկիրը, մեր Զինված ուժերը միշտ պետք է պատրաստ լինեն արձագանք տալուն: Հակառակորդը նենգ է, վտանգը՝ մեծ: Մեզ համար Արցախի հարցը կենսական հարց է, մեր երրկրի գոյատևման, մեր ժողովրդի առաջընթացի հարցն է, մեր ինքնության հարցն է: Այս մասին Եռաբլուրում լրագրողների հետ զրույցում հայտարարել է ՀՀ Պաշտպանության նախկին նախարար Վիգեն Սարգսյանը:
Սարգսյանի խոսքերով, մեր երկիրն ու ժողովուրդը պետք է միշտ պատրաստ լինեն՝ համախմբվելու, ինչպես ապրիլին, մարտունակ լինելուն, ինչպես՝ ապրիլին. «Պետք է մշտապես ազգ-բանակ լինենք, որպեսզի որևէ մեկի մտքով չանցնի մեր անվտանգության, մեր ապագայի հետ կապված կառուցել նենգ ծրագրեր»:
