Աշխարհի եռակի չեմպիոն, բրազիլական և համաշխարհային ֆուտբոլի լեգենդ Պելեն Փարիզում հոսպիտալացվել է: Այս մասին հայտնում է Լենտան՝ հղում անելով RMC Sport-ին:
Պելեն հոսպիտալացվել է ՊՍԺ-ի հարձակվող Կիլիան Մբապեի հետ հանդիպումից հետո: Նշվում է, որ 78-ամյա բրազիլացու կյանքին վտանգ չի սպառնում: Նա հոսպիտալացվել է հետագա խնդիրներից խուսափելու համար:
Պելեն ու Մբապեն դեռ անցած տարի սեպտեմբերին պետք է հանդիպեին, սակայն հանդիպումը հետաձգվել էր բրազիլացու առողջական խնդիրների պատճառով:
Հավելենք, որ բրազիլացին ոչ մեկ անգամ է գովեստի խոսքեր ասել ֆրանսիացու հասցեին՝ նշելով, որ վերջինս նոր Պելեն է:
